الطــريق الي الجنــة

الطــريق الي الجنــة 

---------------------------
هها انا ذاهب الي موقف السيارات ....يا هلتري أصادق هذا الاعلان ...أهناك طريق للجنــة ....من ذاك يستطيع ان ياخذني اليــها ....اشــك ...واتمني ...


بعد اذنك يابني 
الاقي فين السواق دا ...نــظر الي الاعلان باستغراب ...أها الشيخ فانوس 
اللي هنــاك دا يا حــاج 
نظرت له فوجدته رجل تبدو عليه المهابة والتقوي والرزانه والخبرة واشياء كثيرة لا ادري ان كان احساسي صاادق ...أم انه من تأثير الاعلان ..؟؟
بسم الله ما شاء الله ..دا باين عليه راجل تقي 
شكرا يابني 
وتوجهت الي السائق 
فوجدت من ينادي علي 
"ياحاج "
استني بس "..
"في ايه يابني "
معلش يا حاج كنت عايز اقلك حاجة 
"خير يابني "
بص يا حاج عشان تبقي علي نور من اولها 
الشيخ فانوس دا راجل محترم اوي بس فيه عيب صغير 
"عيب ..ايه يابني "
سريع اوي يا حاج ..وبيركز علي جنب واحد من الطريق ويسيب التاني 
وممنوع تفتح الشباك ... ...وحاجات كدا بتزعل الناس منه 
انا قلت اقلك بس ..اه...عشان مش تتفاجئ وبعدين تدعي عليا 
قلقتني يابني 
بس هعمل ايه يعني ... انا هتوكل علي الله واركب ...صراحه يابني الواحد زهق ..والاعلان مغري 
والراجل شكله محترم 
اه نسيت اقلك ..ممنوع تنزل في السكة 
"وحد يكون رايح الجنة وينزل في السكة "
ما انت اما تلاقيه سريع وبياكل المطبات.هتقلق وممكن تكون عايز تنزل ..ساعتها بقا مفيش نزول ....
سريع وبياكل مطبات وما افتحش الشباك ...ايه يابني 
هو عشان اروح الجنة ..اتخنق 
طب مفيش حد غيره ..بيروح الجنة 
يا راجل يا طيب ..هو لو فيه حد بيروح الجنة ..كان هيرجع !!!..وكمان هو لو بيروح الجنة ..لازم يبقي احسن واحد فينا ...مش اقل واحد فينا ..في السواقه يعني 
بس نعمل ايه بقا الناس طيبين وبيبصوا للمنظر بس ...
ما جاوبتش علي سؤالي برده يابني ...
حد تاني بيروح الجنة ؟؟
والله يا حاج هو كان فيه ...المعلم ميزان ...بس دا معدتش بيروح الجنة 


بقا بيروح جنة تانيه ..جنة السلطان 
وحلوة دي يابني ...؟؟
معرفهاش يا حاج ..اصلها بتاعه الناس الاكابر ..
اها .قلتلي ..الاكابر ..
طب والحل يابني ..؟؟
بص يا حاج اركب مع السواق اللي هناك دا ..
نظرت له فوجدته شاب ثلاثيني ..عادي المظهر 
بس دا شكله ما بيروحش الجنة يابني 
يا دي الجنة ..!!
اركب معاه يا حاج 
هو صحيح ما بيروحش الجنة 
بس بيمشي بما يرضي الله 


بقلم طاهر رضوان